Aziz Ki Apewa Heshima Maalum Kabla ya Kuagana na Yanga – Aahidi Haya
Leo imekuwa siku ya hisia kali kwa mashabiki wa Yanga SC baada ya nyota wao mahiri Stephane Aziz Ki kupewa heshima ya kipekee kutoka kwa viongozi, benchi la ufundi, wachezaji wenzake, na mashabiki, ikiwa ni sehemu ya kumuaga rasmi nyota huyo aliyekuwa uti wa mgongo wa kikosi cha Wanajangwani kwa misimu kadhaa.
Katika tukio lililofanyika uwanjani na kushuhudiwa na umati wa mashabiki waliojitokeza kwa wingi, Aziz Ki alikabidhiwa zawadi maalumu, alipewa maneno ya heshima, na kusindikizwa kwa ishara ya upendo na heshima kubwa. Ni wazi kwamba mchango wake ndani ya Yanga umeacha alama isiyofutika.
Katika hotuba yake fupi yenye hisia, Aziz Ki alisema:
“Nimeishi kama mfalme Yanga. Upendo nilioupata si wa kawaida. Kwa heshima kubwa niliyopewa na klabu hii, nawaahidi jambo moja—sitajiunga na klabu yoyote ya Tanzania. Nitaondoka nikiwa na heshima ya Yanga moyoni mwangu.”
Maneno haya yamezua hisia kali mitandaoni, huku mashabiki wakimpongeza kwa uaminifu wake na kuonyesha kuvutiwa na msimamo wake wa kiungwana.
Aziz Ki, ambaye mchango wake kwenye kikosi umechangia mafanikio lukuki ya Yanga SC – ikiwemo ubingwa wa ligi na kufika fainali ya CAF Confederation Cup – ataendelea kukumbukwa kama moja ya wachezaji bora waliowahi kuvalia jezi ya kijani na njano.
Kwa sasa, haijajulikana rasmi atajiunga na klabu ipi nje ya Tanzania, lakini kinachojulikana ni kwamba atabaki kuwa kipenzi cha mashabiki wa Yanga milele.
Wakati Azizi ki anatarajiwa kuondoka Yanga SC, Wananchi hawana presha yoyote au ni Kiburi?
